Ag Tosú

Deir Íosa linn maidir le hurnaí: "Ach tusa, nuair a bhíonn tú chun guí, téigh isteach i do sheomra, dún an doras ort féin, agus guigh chun d'Athar atá ansiúd faoi choim. Feiceann d'Athair an beart faoi choim, agus cúiteoidh Sé leat" (Matha 6:6). "Ní rud é an urnaí a dhéantar nuair a bhíonn am le caitheamh againn. Is amhlaidh a thógaimid an t-am chun sinn a thabhairt don Tiarna". (Caiticiosma na hEaglaise Caitlicí, 2710) Tá sé tábhachtach gur 'am fiúntach' a bheidh againn don Tiarna agus muid ag guí. Is caidreamh í an urnaí agus dá bhrí sin ní mór dúinn oibriú air. Daoine daonna muide agus is furasta ar n-intinn a chur ar seachrán, agus ba cheart dúinn mar sin úsáid a bhaint as na tacaíochtaí atá ar fáil d'urnaí. Is cúnamh é má chruthaímid an timpeallacht chuí-seomra ciúin, coinnle etc. Ní gá dúinn dul chuig áit ar leith le dul ag urnaí ach tá sé in ann a bheith cabhrach. Uaireanta is féidir leat cuairt a thabhairt ar shéipéal-tá buntáiste ar leith ag baint leis seo má tá an Naomhshacraimint ann mar go mbeifeá i láthair an Tiarna go fisiciúil ansin. Ba cheart tosú le páidir bheag chuig an Spiorad Naomh, chun go mbeifeá oscailte dá inspioráidí . Tá sé ráite sna Scrioptúir go dtagann "an Spiorad i gcabhair orainn inár laige. Mar ní eol dúinn conas an ghuí féin a dhéanamh mar is cóir ach déanann an Spiorad idirghuí ar ár son le hosnaí nach féidir a chur i bhfocail" (Rómhánaigh 8:26) D'fhéadfá impí a dhéanamh air i d'fhocail féin, nó úsáid a bhaint as paidir atá in úsáid go coitianta cosúil leis an gceann seo leis an gCairdinéal Mercier:

A Spiorad Naomh, grá m'anam thú
Adhraim thú.
Tabhair dom soilsiú agus treoir,
neart agus sólás.
Inis dom céard ba cheart dom a dhéanamh
agus tabhair ordú dom é a dhéanamh.
Geallaim go ngéillfidh mé do na nithe a iarrfaidh tú orm
agus go nglacfaidh mé do gach ní a ligeann tú tarlú dom.
Díreach nocht do thoil dom
Agus tabhair grásta dom é a chur i gcrích.
Áiméan.