| | Uimhir an tSailm | Céad Líne an tSailm |
| Nuair a airím nach bhfuil grá ag aon duine dom | 22 (23) | Is é an Tiarna m'aoire |
| Nuair a airím go bhfuilim anaithid agus nach bhfuil meas ag aon duine orm | 138 (139) | Scrúdaíonn tú mé a Thiarna, agus is eol duit mé |
| Nuair a bhíonn faitíos orm | 26 (27) | Is é an Tiarna mo sholas is mo shlánú |
| Nuair a bhíonn éagóir déanta agam | 50 (51) | Déan trócaire orm, a Dhia, de réir do bhuanghrá |
| Nuair a bhíonn fonn orm caoineadh ón duibheagán | 129 (130) | As na duibheagáin a ghlaoim ort, a Thiarna |
| Nuair a bhíonn comhairle uaim | 24 (25) | Is chugat a thógaim m'anam, a Thiarna |
| Nuair a bhíonn éadóchas orm | 41 (42) | Faoi mar a shantaíonn an eilit na sruthanna uisce |
| Nuair atáim éiginnte | 45 (46) | Is dídean dúinn Dia, agus is é ár neart é |
| Nuair a bhíonn cosaint uaim | 61 (62) | I nDia amháin atá m'anam ar a shuaimhneas |
| Nuair a bhíonn cosaint uaim | 90 (91) | An té a chónaíonn i ndaingean an Té is Airde |
| Nuair a atáim ag aireachtáil imníoch | 102 (103) | Beannaigh an Tiarna, a anam liom |
| Nuair a bhíonn cúnamh uaim | 3 | A Thiarna, nach líonmhar iad mo naimhde! |
| Nuair a airím buíoch | 99 (100) | Gairdigí don Tiarna, a thíortha uile |
| Nuair a bhíonn fonn orm aithne níos doimhne a chur ar Dhia | 62 (63) | A Dhia, mo Dhia thú, is tú a iarraim |
| Nuair a bhíonn maithiúnas uaim | 31 (32) | Is méanar an té dár maitheadh a choir |
| Nuair atáim ag saothrú an bháis | 87 (88) | A Thiarna Dia, bím ag éamh ort de lá; |
| Nuair a airím gan mhaith | 8 | A Thiarna, ár dTiarna, nach éachtach é d'aoinm ar fud na cruinne! |
| Nuair a airím neamhdhiongbháilte | 60 (61) | Meáin le mo ghlao, a Dhia! |
| Nuair a bhíonn fonn orm paidir buíochais a rá | 115 (116) | Bhí muinín agam fiú nuair a dúirt mé |
| Nuair a airím cosúil le gasúr | 130 (131) | Níl mo chroí i mborr le mórtas, a Thiarna |
| Nuair a bhíonn easpa muiníne agam | 117 (118) | Tugaigí buíochas don Tiarna toisc gur maith é |
| Nuair a bhíonn uaim éalú ó chuile shórt | 54 (55) | Tabhair cluas do m'urnaí, a Dhia |
Sleachta don ghnáthshaol as an mBíobla
Ná bíodh eagla ort, óir tá tú fuascailte agam; ghlaoigh mé ort i d'ainm, agus is liomsa thú. (Íseáia 43:1)
Mar is luachmhar thú i mo shúile, is mór liom thú agus is mór é mo chion ort. (Íseáia 43:4)
Déanfaidh mé féin thú a mhealladh agus a threorú isteach san fhásach, chun labhairt leat go muirneach. (Hóise 2:14)
Bigí naofa domsa, óir is naofa mise, an Tiarna, agus chuir mé i leataobh sibh ó na ciníocha le go mba liomsa sibh. (Léivític 20:26)
Glóir don té úd ar féidir dó i bhfad níos mó a dhéanamh ná mar a d'iarrfaimisne nó smaoineamh féin air, trí an gcumhacht atá ag obair ionainn. (Eifisigh 3:20)
Mar a dhéanfadh aoire ag aoireacht a thréada dó, ag bailiú na n-uan chuige ina bhaclainn, á n-iompar ar chlár a uchta agus ag fosaíocht na gcaorach tórmaigh. (Íseáia 40:11)
Beidh an Tiarna bhur nDia ag gabháil romhaibh amach. (Deotranaimí 1:30)
Ní mise a mhaireann beo feasta ach Críost a mhaireann ionam. (Galataigh 2:20)
An té a chuir uaidh mé, tá sé in éineacht liom. Níor fhág sé i m'aonar mé, óir déanaim i gcónaí na nithe is taitneamhach leis. (Eoin 8:29)
Bíodh aithne againn ar an Tiarna; déanaimis ár ndícheall le haithne a chur air! (Hóisé 6:3)
Bígí láidir! bíodh misneach in bhur gcroí agaibh, a dhaoine uile a bhfuil bhur ndóchas sa Tiarna. (Salm 30:25)
Mo Dhia thú, mo charraig is dídean dom, mo sciath, adharc mo shlánaithe, mo dhún. (Salm 17:3)
Ghráigh mé thú le grá síoraí, ar an ábhar sin is dochaite mo ghean ort. (Irimia 31:3)
Isteach leis an bpobal fíréanta, an té a sheasann lena ghealltanas, atá bunúsach ó chroí, a choinníonn an tsíocháin, óir is asatsa ata a mhuinín. (Íseáia 26:2-3)
Ceapfaidh mé thú i do sholas do na ciníocha, chun go dtí mo shlánú go críocha na cruinne. (Íseáia 49:6)
Nuair a iarrfaidh sibh mé gheobhaidh sibh mé, nuair a iarrfaidh sibh mé le bhur gcroí go hiomlán. Beidh mise ar fáil agaibh-an Tiarna a labhraionn. (Irimia 29:13)
Bíodh misneach agat! Éirigh! Tá sé ag glaoch ort! (Matha 10:49)
Fágaim síocháin agaibh; tugaim mo shíocháin daoibh. Ní thugaim daoibh í mar a thugann an saol í. (Eoin 14:27)
Ma ghabhaim umam sciatháin na maidine, agus cónaí i gcríocha imchiana na farraige, ansin féin beidh do lámh do mo sheoladh; agus béarfaidh tú orm le do dheasláimh. (Salm 139:9)
Is i nDia amháin atá m'anam ar a shuaimhneas. (Salm 62:2)
Tá scáil de ghlóir an Tiarna le feiceáil inár ngnúis mar a bheadh i scáthán agus sinn ag dul i gcosúlacht leis-sean ó niamhracht go naimhracht faoi luí Spiorad an Tiarna. (2 Corantaigh 3:18)
Óir ní airde neamh os cionn talaimh ná a bhunghrá don dream lenarb eagal é. (Salm 103:11)
Comhoibríonn Dia san uile ní leo siúd a bhfuil grá acu dó agus a bhfuil glaoite aige orthu de réir a chomhairle. (Rómhánaigh 8:28)
Is tú mo Mhac muirneach; is duit a thug mé gnaoi. (Lúcas 3:22)
Taobhaigh do shlí leis an Tiarna; cuir do dhóchas ann agus déanfaidh sé beart. (Salm 36:5)
Tabharfaidh mé croí nua daoibh fosta agus cuirfidh spiorad nua ionaibh. (Eizicéil 36:26)
D'iompair an Tiarna Dia thú, faoi mar a dhéanfadh athair a mhac, an bealach go leir a ghabh sibh. (Deotranaimí 1:31)
Is leor duit mo ghrásta, mar is tríd an laige a thagann an neart chun foirfeachta. (2 Corantaigh 12:9)
Chruthaigh Dia an duine ar a dheilbh féin, ar dheilbh Dé is ea a chruthaigh sé é…Chonaic Dia gach a ndearna sé agus, féach! bhí sé go sármhaith. (Geineasas 1:27; 31)
Is dá dhéantús sinn mar gur cruthaíodh i gCríost Íosa sinn chun ár saol a thabhairt i mbun na ndea-oibreacha a bhí ullamh roimh ré dúinn ag Dia. (Eifisigh 2:10)
Scrúdaíonn tú mé, a Thiarna, agus is eol duit mé. Más luí dom, más suí dom, is eol duit é; is eol duit mo rún is mé i bhfad uait. (Salm 139 1:2)
Is tú a d'fhuaigh i mbroinn mo mháthar mé. (Salm 139:13)
Breathnaigí cad é mar ghrá a thug an tAthair dúinn! go nglaofaí clann Dé roinn, agus is amhlaidh sinn. (1 Eoin 3:1)
Mar, aon duine atá i gCríost, is duine é atá cruthaithe as an nua; tá an sean i léig, féach, agus tá an nua tagtha. (2 Corantaigh 5:17)
Ná bíodh eagla ort, mar tá mise leat. (Íseáia 43:5)
Rinne tú an duine beagán níos lú ná dia é gur chuir tú barr glóire agus gradaim air. (Salm 8:6)
Nach bhfuil a fhios agaibh gur teampall bhur gcorp ag an Spiorad Naomh atá istigh ionaibh mar bhronn Dia oraibh é? (1 Corantaigh 6:19)
Agus an ghlóir thug tú dom, thug mise dóibhsean é, ionas go ba aon iad faoi mar is aon sinne. (Eoin 17:22)
Is é Dia mo shlánaitheoir, tá muinín agam agus nílim eaglach níos mó. (Íseáia 12:2)
Nach dtuigeann sibh, a bhráithre, gur teampall Dé sibh agus go bhfuil Spiorad Dé ina chónaí ionaibh. (1 Corantaigh 3:16)
Is eol dom anois go bhfuil Dia liom. (Salm 55:10)
Is ann chomh maith atá sibhse do bhur gcomhthógáil agus áit chónaithe Dé á dhéanamh díbh faoi luí an Spioraid. (Eifisigh 2:22)
As Dia atá mo mhuinín gan eagla; cad a fhéadfaidh fuil is feoil a dhéanamh dom? (Salm 55:12)
Is duitse a thabharfaidh mé moladh óir is tú mo Dhia is mo dhaingean. (Salm 58:10)
Nuair is eagal liom is ort atá mo sheasamh, ar Dhia dá dtugaim moladh as ucht a bhriathair. (Salm 55:4-5)
Caith do chúram ar an Tiana agus déanfaidh sé taca duit. (Salm 54:23)
Óir san áit a mbíonn do stór, is ann a bheidh do chroí freisin. (Matha 6:21)
Más áil le haon duine bheith ar mo bhuíon, séanadh sé é féin, tófgadh suas a chors agus leanadh mé. (Matha 16:24)
Óir cá fearrde duine go ngnóthódh sé an domhan go léir dá ligfeadh sé a anam féin ar ceal? (Matha 16:26)
' A Thiarna, cé mhéad uair ba cheart dom pardún a thabhairt do mo bhráthair nuair a chiontaíonn i m'aghaidh? Go dtí seacht n-uaire?'Dúirt Íosa leis: 'Ní go dtí seacht n-uaire a deirimse leat ach go dtí seacht n-uaire seachtód. (Matha 18:21-22)
Dúirt Íosa: 'Ligigí do na leanaí agus ná coiscigí iad ar theacht chugam, óir is lena leithéidí seo ríocht na bhflaitheas.' (Matha 19:14)
Ghlaoigh Íosa in ard a ghutha: 'Má tá tart ar aon duine, tagadh sé chugamsa agus óladh sé!' (Eoin 7:37)
Dúirt Íosa: 'Tháinig mise chun go mbeadh an bheatha acu agus go mbeadh sí acu go fial.' (Eoin 10:10)
Ach is mise an sáraoire, agus aithním mo chuid féin, agus aithníonn mo chuid féin mé. (Eoin 10:14)
An gráinne arbhair a thit sa talamh, mura bhfaigheann sé bás, fanann sé leis féin amháin. Ach má fhaigheann sé bás, tugann sé toradh mór uaidh. (Eoin 12:24) 1
Is mise an tSlí, an Fhírinne agus an Bheatha. Ní thagann aon duine go dtí an tAthair ach tríomsa. (Eoin 14:6)
Mar má adhmhaíonn tú ó do bhéal gurb é Íosa an Tiarna agus má chreideann tú ó do chroí gur thóg Dia ó mhairbh é, slánófar thú. (Rómhánaigh 10:9)
Go dtuga sé daoibh as ollmhaitheas a ghlóire go bhfaighidh sibh neart agus cumas inmheánach trína Spiorad. (Eifisigh 3:16)
Agus ní hé sin amháin é ach áirim gur caillteanas gach uile ní le hais an bhua thar barr atá faighte agam: aithne a chur ar Íosa Críost, mo Thiarna. (Filipigh 3:8)
Níl uaim anois ach aithne a chur ar Chríost agus ar éifeacht a aiséirí, ar bheith páirteach leis ina phiolóidí agus bheith cosúíl leis ina bhás. (Filipigh 3:10)
Táim in ann gach ní a dhéanamh le cabhair an té úd a thugann neart dom. (Filipigh 4:13)
Ós rud é go bhfuil glactha agaibh le hÍosa Críost mar Thiarna, tugaigí bhur saol i bpáirt leis. (Colosaigh 2:6)
