Saol na
Mainistreach
Ní féidir maireachtáil i
gcomaoin bheo ach amháin tríd an méid a d'iarr an Pápa Innocent IV
(Pápacht 1243 -1254) ar San Clár a chur i gcrích: “maireachtáil in
aontacht naofa agus i mbochtaineacht dhiaga”.
Caithimid ár saol i bhForiamh faoi mhóid na Bochtaineachta, na
Geanmnaíochta agus na hUmhlaíochta.
Is ionann an scarúint seo
ón domhan agus an cinneadh atá déanta againn fanacht leis an Tiarna.
Baineann an foriamh is faide isteach lenár gcroíthe, tamhnach na
beatha, áit a bhfuil slánú don Eaglais agus don chine daonna uile.
Gabhaimid chugainn an Gheanmnaíocht Choisricthe, nó an grá brídeoige,
trí Bhochtaineacht agus mairimid trí Umhlaíocht í, dírithe ar Chríost.
Ár Saol ag
Urnaí agus ag Adhradh
Is é Liotúirge na
dTráthanna urnaí an rinnfheitheora, agus déanann sé an lá ina iomláine
a choisreacan. Cuimsíonn sé sailm, sleachta ó na scrioptúir agus
idirghuíonna a ofráiltear in ainm na hEaglaise agus don Eaglais.
Cuireann uair an mheán oíche tús leis an gcéad chuid den Urnaí
oifigiúil sin dúinne.
Cuirtear tús lenár lá
leis “an Eocairist, an
cuimhneachán ar íobairt an Tiarna, croílár shaol na hEaglaise agus gach
pobail”
Leantar leis an
“teagmháil leis an Tiarna” sin i rith an lae le linn tréimhsí d'Adhradh na hEocairiste
nuair a bhíonn gach siúr ina haonar leis an Tiarna ag tabhairt grá dó,
agus eisean ag tabhairt grá di. Tá focail seo San Clár greanta i gcroí
gach siúrach: "an t-anam dílis an
t-aon taibearnacal agus ríchathaoir atá aige" .Tá a fhios
aici freisin go gcaithfidh sí streachailt a bheith ina hanam dílis mar
sin.
Is í an chiall atá le
‘Clár’ , nó Chiara , in Iodáilis, ná solas .Ba loinnir solais Clár
dá siúracha agus do gach duine a raibh teagmháil aici leo. .
An bhfuil a fhios agat
gurb í an bhean rialta rinnfheitheamhach seo as an Iodáil ón tríú haois
déag patrún na teilifíse? Cén fáth? Mheas an Pápa Pius XII go mbeadh sé
feiliúnach San Clár a fhógairt amhlaidh sa bhliain 1958 mar aitheantas
ar a fís ghrinn inmheánach a lonraigh i bhfad uaithi.
An
Comhthionól i mbun oibre
Is í an phríomhobair a
bhíonn ar bun againn ná pacáil agus dáileadh Abhlann. Mar atá amhlaidh
le teaghlach ar bith, bíonn obair tí le déanamh chuile lá agus, ar
ndóigh, tá obair le déanamh sa ghairdín, mar sin tá obair do chuile
dhuine ann!
Is ar Dhia amháin atá ár
saol paidreoireachta, molta agus oibre dírithe.
